El día 5 d'ochobre de 1934 españaba unu de los acontecimientos más importantes de la hestoria contemporanea non solo del Estáu español sinón del movimientu obreru internacional. El proletariáu asturianu insurrectu, tuvo'l poder nes sos manos mientres quince díes en arrincándolo pola fuerza y la decisión de la so llucha. Foi, como afirma David Ruiz, «la primer revolución socialista de la hestoria d'España».
Esti acontecimientu ye, xuntu cola xesta qu'escribieron el trabayadores españoles na guerra civil, igualmente como parte de la llucha contra la meyora del fascismu, la páxina más heróica y sobresaliente de tola hestoria del movimientu obreru español, yá de por sí estensa n'exemplos de lluches de les mases primíes.
Esta portentosa llucha ye comparable a la Comuña de París, en munchos aspeutos. De la mesma forma que per primer vegada una clase obrera nel mundu tomaba'l poder y calteníalo mientres 3 meses, nuna ciudá como París, y sufría de siguío la feroz y cruel represión de la burguesía francesa y l'exércitu prusianu, nel casu asturianu tamién foi la primer vegada que la clase trabayadora tomaba'l poder en toa una rexón del Estáu español, teniéndose qu'enfrentar dempués a la vengación selvaxe del exércitu republicanu burgués (empobináu dende Madrid pol mesmu Franco) y les fuerces de choque morisques.
La Comuña Asturiana d'ochobre del 34 ye un fechu clave dientro d'un períodu revolucionariu que s'estiende dende la cayida de la monarquía n'abril de 1931 hasta'l fin de la guerra civil española. Hai qu'entender la revolución d'ochobre del 34 como parte fundamental d'esi procesu.
No hay comentarios:
Publicar un comentario